Оксфорд университеті профессорының сапары

ҚазҰУ-дың география және табиғатты пайдалану факультетінде география және қоршаған орта мектебінің докторы Троя Штернберг (Оксфорд университеті) пен Айтматов академиясының директоры (Ұлыбритания) Рахима Абдувалиевамен іскерлік кездесу болып өтті.

Аталмыш шара рекреациялық география және туризм кафедрасының бастамасымен ұйымдастырылды.

Кездесу барысында тараптар болашақта өзара тиімді серіктестік орнатуға негіз болатын ғылыми бағыттар мен бірлесіп атқаратын зерттеу жұмыстарын талқылады. Сондай-ақ, шара соңында доктор Троя Штернберг пен Рахима Абдувалиева  факультет ғалымдары мен оқытушыларын 2017 жылдың маусым айында  Оксфорд университетінде (Ұлыбритания) география және экология мәселелері бойынша өтетін халықаралық конференцияға қатысуға шақырды.

География және табиғатты пайдалану факультеті