Білім беру бағдарламалары талқыланды

Әл-Фараби атындағы ҚазҰУ Ұлы Витовтос атындағы университетпен (Литва Республикасы) ынтымақтастық келісіміне қол қойды. Оқу орындарының ректорлары Ғалым Мұтанов пен Юозас Аугустис «Биотехнология» мамандығы бойынша қосдиломдық магистрлік бағдарламаны жүзеге асыру туралы келісімшарт орнатты.

Келіссөз барысында тараптар молекулярлық биология, генетика, экология, биомедицина, биотехнология, ауыл шаруашылығы саласында зерттеулер жүргізуге уағдаласты. Сонымен қатар, PhD докторанттардың диссертациялары мен ғылыми жобаларына бірлесіп басшылық жасау, ғалымдардың  мақалалар мен монография жазуда қабілеттерін біріктіру жайы сөз қозғалып, жақында халықаралық жазғы мектеп ұйымдастыру туралы талқылады.

Юозас Аугутис өз сөзінде Қазақстанның жетекші жоғары оқу орнымен байланыс жүргізіп отырғанына қуанышты екенін жасырмады. Ұлы Витовтос университетінің ректоры құрмет танытып, ҚазҰУ ұжымын Литваның 100-жылдығын мерекелеу қарсаңында қонақ болуға шақырды. 

Баспасөз қызметі