Қазақстан Республикасының Біріккен Ұлттар Ұйымына кіруіне 25-жылдығына арналған ҚР Білім және ғылым министрлігі «Елдің зияткерлік әлеуеті» мемлекеттік бағдарламасы, Халықаралық тұрақты туризм жылы аясында ҚР БҰҰ Ақпараттық Бюро қолдауымен әл-Фараби атындағы Қазақ ұлттық университеті және Л. Гумилев атындағы Еуразия ұлттық университеті профессор Зайнолла Самашевтың 70-жылдығына арналған «ҰЛЫ АЛТАЙ ЖОЛЫМЕН» археологиялық медиакеруені Шығыс Қазақстанда зерттеулер жүргізді.
Археологиялық медиакеруен траекториясында: Алматы – Шілікті – Күршім – Берел; Астана – Шыңғыстау – Берел мекендері қамтылған. Медиакеруен аясында кешенді археологиялық зерттеулер мен ақпараттық ағарту және журналистерге арналған «Берел» мемлекеттік тарихи-мәдени қорық-мұражайында пресс-тур өтті.
Осы уақыт аралығында «Ежелгі және ортағасырлық Еуразияның мәдени-тарихи үрдістері контекстіндегі Алтай археологиясы» Халықаралық Жазғы археология мектебі жұмыс жасады. Оған әл-Фараби атындағы Қазақ ұлттық университеті, Л. Гумилев ат. Еуразия ұлттық университеті, А. Аманжолов атындағы Шығыс Қазақстан мемлекеттік университеті және Ресей Федерациясы университеттерінің Жазғы мектеп күндері Берелдегі қазба жұмысына қатысқан археолог-студенттеріне еліміздің белгілі археологтары мен этнологтары көшпелі дала семинарларын, шеберлік сағаттарын өткізіп, дәрістер оқыды. Аталмыш университет студенттері «Берел» археологиялық экспедициясы (ғылыми жетекшісі академик Зейнолла Самашев), «Алтай» археологиялық экспедициясы (әл-Фараби атындағы Қазақ ұлттық университеті; ғылыми жетекшісі доцент Ғани Омаров), «Шыңғыстау» археологиялық экспедициясы, (Л.Н. Гумилев ат. Еуразия ұлттық университеті, ғылыми жетекші доцент Ұлан Үмітқалиев); «Қазақ елі» экспедициясы (ғылыми жетекшісі профессор Гүлмира Сұлтанбаева, әл-Фараби атындағы Қазақ ұлттық университеті) құрамында тәжірибеден өтті.
Тарих, археология жəне этнология факультеті
Басқа жаңалықтар
