ЖЕҢІСТІҢ 65 ЖЫЛДЫҚ МЕРЕЙТОЙЫНА АРНАЛҒАН СЕНБІЛІК

20 сәуір күні сағат 11.00-де Әл-Фараби атындағы Қазақ ұлттық университеті Құрылыс жасағы мен студенттер ұйымдарының ұйымдастыруымен 28 гвардиялық панфиловшылар паркінде Ұлы Жеңістің 65 жылдық мерейтойына арналған «Ардагерлерге тағзым» атты әлеуметтік іс-шаралар аясында сенбілік өтеді.

Ұлы Отан Соғысының 65 жылдығына орай Университетіміздің барлық факультеттерінде 2010 жылдың қаңтарынан бастап «Ардагерлерге тағзым» атты әлеуметтік іс-шаралар басталған болатын. Осы іс-шаралар аясында студенттер өз факультеттерінде Ұлы Отан Соғысы тақырыбына арналған дөңгелек үстелдер, ардагерлермен кездесулер, отырыстар, ардагерлер үйлеріне қайырымдылық концерттер ұйымдастырды.

20 сәуір күні өтетін сенбілік аталған іс-шаралардың жалғасы болып табылады.