Әл-Фараби атындағы ҚазҰУ ректоры, академик Б.Т. Жұмағұловтың студенттермен дәстүрлі кездесуі

2010 жылдың 15 мамыр күні Әл-Фараби атындағы ҚазҰУ ректоры, академик Б.Т. Жұмағұловтың студенттермен дәстүрлі кездесуі өтеді. Кездесуге Университеттің проректорлары, департамент директорлары, факультет декандары, деканның тәрбие жұмысы жөніндегі орынбасарлары, белсенді студенттер және студенттік ұйымдардың жетекшілері қатысады. Кездесудің алдында ҚазҰУ-дың студенттік ұйымдарының көрмесі ұйымдастырылып, Жеті муза қоғамының «ZEREK» байқауының қортындысын шығару жоспарланған. Кездесу барысында өз бағыттары бойынша студенттік өзін-өзі басқарудың дамуы мен болашағы, ағымдағы оқу жылында атқарылған жұмыстардың қорытындысы туралы ҚазҰУ Студенттер сенатының төрағасы Асфендияр Кушеновтың, «Сұңқар» студенттер кәсіподағының төрайымы Арайлым Өмірбекованың, Жастар ұйымдары комитетінің жетекшісі Назира Болдурукованың баяндамалары тыңдалады. Сонымен қатар, Бақытжан Тұрсынұлы студенттердің алдын ала жолдаған хаттарына және кездесуге қатысып отырған белсенді студенттердің сұрақтарына жауап береді.

Кездесудің уақыты: 2010 жылдың 15 мамыры.

Басталуы: сағат 11.00.

Өтетін орны: ректорат, 15 қабат, конференц зал.