ҚазҰУ жанындағы Британдық университет түлектерінің клубы және Мансап секторы байқау жариялайды

ҚазҰУ жанындағы Британдық университет түлектерінің клубы және Мансап секторы “Ғылымдағы жарылыс” байқауы басталғандығын жариялайды. Байқаудағы ең үздік жобалар Елбасы Н.Ә.Назарбаевқа жеткізіледі. Байқау әр түрлі өзекті тақырыпта студенттер арасында өтеді.

1. «Қазақстанның ғылыми-техникалық өрлеуі»
2. «Экономикалық және әлеуметтік үдерістерді математикалық моделдеу»
3. «Аймақтардың экологиялық-демографиялық жағдайы және мәселелерді шешу жолдары».

Байқауға бакалавр, магистрант және PhD докторанттары өздерінің ғылыми жобаларын ұсына алады. Жоба жұмыстарын командалық негізде дайындауға болады. Ғылыми жоба бекітілген талаптарға сай жасалуы керек. career@kaznu.kz, back.kz@gmail.com. электронды поштасына сұраныс хатын жіберу арқылы жобаға қойылатын талаптарға жауап ала аласыз.

Британдық университет түлектерінің клубы – Британдық кеңес пен Ұлыбритания елшілігінің қолдауымен құрылған коммерциялық емес ұйым болып табылады. Қазіргі уақытта клуб 800-ге жуық мүшелерімен сонымен қатар “Болашақ” бағдарламасы түлектерінің қауымдастығымен және Кәсіпкерлердің еуропалық қауымдастығымен тығыз әріптестік байланыс орнатқан. Британдық жоғары оқу орындары түлектерінің клубы аясында ҚазҰУ-да “Халықаралық ғылыми салада мансапты қалай орнату керек” сияқты тағы да басқа бірнеше оқу семинарлары және шеберлік сыныптары ағылшын тілінде өткізіліп тұрады.

Мансап секторы