«Қазақ ақпарат агенттігі» Ұлттық компаниясы

АЛМАТЫ. Тамыздың 30-ы. ҚазАқпарат /Ербол Азанбек/ -Қыркүйектің 1-індегі жаңа оқу жылы еліміздің бас оқу орны Әл-Фараби атындағы ҚазҰУ-да «Көшбасшылар дәрісімен» басталады, деп хабарлайды оқу орнынының баспасөз қызметі.

Басты дәрісті Студенттер сарайында оқу орнының ректоры Бақытжан Жұмағұлов оқиды. Дәріске 750 «Алтын белгі» иегері, 150-ден астам халықаралық олимпиада мен конкурстардың жеңімпаздары, 1000-ға жуық мемлекеттік грант иегерлері, 90 ректор грантының иегері, ұстаздар мен студенттер қатысады.

Сондай-ақ әр факультетте академиктер Салық Зиманов, Өмірзақ Айтбаев, Карл Байпақов, шығыстанушы ғалым, қоғам қайраткері Мұрат Әуезов, ҚР СІМ-і ерекше тапсырмалар жөніндегі елшісі Вячеслав Гизатов, «Қазатомөнеркәсіп» АҚ президенті Владимир Школьник, «Айқын» газетінің бас редакторы Нұртөре Жүсіп, «Халық банкі» АҚ директорлар кеңесінің төрағасы Александр Павлов, «Астана моторс» компаниясының президенті Нұрлан Смағұлов, «Қазақтелеком» АҚ басқарма төрағасы Қуанышбек Есекеев өз тәжірибесі, білім туралы, басқару қызметі туралы арнайы дәріс оқиды. Сондай-ақ студенттердің сұрақтарына жауап беріп, құнды кеңестер айтпақ.