"Талейран" клубы мектеп бітіруші түлектерге презентация өткізді

«Талейран» дипломатиялық клубы кәсіптік бағдар аптасы шеңберінде 26 қараша мен 3 желтоқсан аралығында Алматы қаласы мектептерінің бітіруші сыныптарында әл-Фараби атындағы ҚазҰУ, халықаралық қатынастар факультеті және «Талейран» дипломатиялық клубы жөнінде презентациялар өткізді. Студенттер № 105, №103, №79, "Арман" және "Магистр" мектептеріне барды.

Презентациядан бөлек, дипломатиялық клуб мүшелерінің бастамалары бойынша дипломат және халықаралық қатынастар маманы қызметінің ерекшелігі мен жан-жақтылығын қызықты және танымдық форматта көрсете отырып, болашақ талапкерлерді қызықтыру мақсатында «Болашақ дипломат» атты интеллектуалдық ойын өткізді. Жоғарғы сынып оқушылары география, тарих, әлемдік мәдениет, саясат және өнер сияқты салаларда өздерінің білімдерін тексере алды.

Ең белсенді деген 11-сынып оқушылары 2 желтоқсан күні халықаралық қатынастар факультетінде өткен «Ашық есік күніне» шақырылып, мақтау қағаздарымен марапатталды.

ҚазҰУ Баспасөз қызметі