Бауыржан Момышұлы есімі ҚазҰУ-да ұлықталды

Бауыржан Момышұлының туғанына 100 жыл толу мерейтойына арналған «Бауыржан Момышұлының рухани мұрасы және қазақстандық патриотизм» атты дөңгелек үстел болып өтті. Дөңгелек үстелді Т. Тәжібаев атындағы этнопедагогика және этнопсихология орталығы 2010 ж. 17-желтоқсанда ұйымдастырды. Дөңгелек үстел жұмысына ғалымдар: Әбілфайыз Ыдырысов, Жаһан Молдабеков, Ж. Әбиев, Серғазы Қалиев, полковник М. Сейтқалиев, доценттер М. Қалдыбай, Б. Мырзабаева, ғылыми қызметкер О. Масатбаев, Мұхтар Қазыбеков т.б. бірге факультет декандарының тәрбие жұмысы жөніндегі орынбасарлары, магистранттар және тәрбие жұмысы және тілдерді дамыту департаментінің директоры Г.Ә. Сәрсенбекова қатысты.

Дөңгелек үстелді кіріспе сөзбен профессор Қ.Б. Жарықбаев ашып, даңқты қолбасшының тәлім-тәрбиелік мұрасы туралы айтты. Дөңгелек үстел басында Бауыржан Момышұлының керемет ұстаз, асқан тәлімгерлігі, ел, ер намысы туралы өнегелі сөздерінің құндылығы, ұлттық рух мәселелері, оның рухани мұрасының қазіргі қазақтану проблемасымен сабақтастығы туралы кең, ауқымды баяндамалар жасалып, құнды пікірлермен ой бөлісті.

Тәрбие жұмысы және тілдерді дамыту департаменті