ҚазҰУ түлектері мен студенттері құрама командаларының дәстүрлі жолдастық кездесуі өтеді

2011 жылдың 15 қаңтарындаҚазҰУ спорткешенінде әл-Фараби атындағы Қазақ ұлттық университеті түлектері мен студенттері құрама командаларының арасында мини-футболдан, волейболдан, бадминтоннан, үстел теннисінен, шахматтан дәстүрлі жолдастық кездесуі өтеді. Бұл турнир 15 қаңтар - Қазақстан ЖОО арасындағы рейтингісі жоғары жетекшіуниверситет әл-Фараби атындағы ҚазҰУ-дың туған күніне арнайы ұйымдастырылып отыр. Жарысқа университет түлектері шақырылады.

Жарыстың бас төрешісі Дүйсембаев Талғат Ноғайбайұлы. Жолдастық кездесу төмендегі спорт түрлерінен өтеді және оған мынадай тұлғалар қатысады деп жоспарланып отыр:

- шахматтан: Булат Асанов – бірінші ұлттық халықаралық гроссмейстер, Қазақстан Республикасының Шахмат федерациясының вице-президенті, Халықаралық шахмат федерациясындағы Қазақстан Республикасының өкілі, журналистика факультетінің түлегі; Елена Рыбакова – Қазақстан Республикасының бес дүркін «Буревестник» чемпионы, шахматтан жаттықтырушы, биология факультетінің түлегі; Сергей Ким – спорт шебері, Алматы қаласының шахмат федерациясының атқарушы директоры, тарих факультетінің түлегі.

- бадминтоннан: Даулеталиев Жомарт – спорт шебері, Қазақстан Республикасының бірнеше дүркін чемпионы, Қазақстан Республикасының Студенттер құрама командасының бас жаттықтырушысы, география факультетінің түлегі; Абдықалықов Тимур – спорт шеберлігіне үміткер, халықаралық қатынастар факультетінің түлегі; Кенжебеков Камал - спорт шеберлігіне үміткер, филология факультетінің түлегі.

- үстел теннисінен: Бұлыбаев Марат – спорт шебері, Қазақстан Республикасының чемпионы, Универсиаданың абсолюттік чемпионы, химия факультетінің түлегі; Оразбаев Ердәулет - спорт шебері, Қазақстан Республикасының чемпионы, Қазақстан Республикасы универсиадасының чемпионы, Қазақстан Республикасының ұлттық құрама командасының мүшесі, экономика және бизнес факультетінің түлегі; Серікбаева Әлия – КСРО спорт шебері, қазақ қыздарының арасындағы КСРО-ның алғашқы спорт шебері, Дүниежүзілік «Локомотив» чемпионы, филология факультетінің түлегі.

- мини-футболдан: Мадиев Қасымжан – спорт шебері, Қазақстан Республикасына еңбегі сіңген жатықтырушысы, доцент, спортклубының төрағасы, химия факультетінің түлегі; Бүркітбаев Мұқаш - әл-Фараби атындағы ҚазҰУ-дың бірінші проректоры, химия ғылымдарының докторы, профессор, химия факультетінің түлегі; Коротченко Алексей – тарих факультетінің түлегі; Мерзатдинов Ерғали - әскери прокурор, заң факультетінің түлегі; Шүпшібаев Қазбек - б.ғ.к., доцент, биология факультетінің түлегі және тағы да басқалар қатысады.

ҚазҰУ-дың дене шынықтыру және спорт кафедрасы