ҚазҰУ түлектері мен студенттерінің дәстүрлі жолдастық кездесуі өтті

15 қаңтарда әл-Фараби атындағы ҚазҰУ-дың туылған күніне арналған унииверситет түлектері мен студенттерінің дәстүрлі жолдастық кездесуі өтті. Кездесуге еліміздің көптеген танымал спортшылары, ғалымдар мен қоғам қайраткерлері қатысты.

Шахматшылардың ойынын бақылауға ҚР бірінші гроссмейстері Евгениий Владимиров пен еліміздің бірінші ұлттық гроссмейстері Болат Асанов келген болатын. Волейбол және үстел теннисі бойынша студенттер құрама командасы ұстаздарды біршама ұпаймен ұтып шықты. Волейбол құрама командасының мүшелері, заң факультетінің түлегі, отставкадағы полковник Анатолий Пушкарев пен экономика және бизнес факультетінің түлегі Олег Сауранбаев жақсы ойын көрсетті. Үстел теннисінен Марат Бұлыбаев – спорт шебері, ҚР Чемпионы, Универсиаданың абсолютті чемпионы, химия факультетінің түлегі; Ердәулет Оразбаев - спорт шебері, ҚР Чемпионы, ҚР Универсиадасының Чемпионы, ҚР ұлттық құрама командасының мүшесі, экономика және бизнес факультетінің түлегі; Әлия Серікбаева – КСРО спорт шебері, қазақ қыздарының арасындағы КСРО-ның алғашқы спорт шебері, Дүниежүзілік «Локомотив» Чемпионы, филология факультетінің түлегі бас қосты.

Студенттер құрама командасында спорт шеберлері жақсы ойын көрсетті. Шахмат және бадминтон командасы университет түлектерінің командасынан басым түсіп жеңіске жетті. Бірақ, университет түлектерінің командасы мини-футболдан қарсыластарын 7:2 есебімен ұтты.

Ардагерлер құрама командасын спорт шебері, ҚР еңбегі сіңген жаттықтырушысы, доцент, спортклубының төрағасы, химия факультетінің түлегі Қасымжан Мәдиев бастап шықты. Команда құрамында әл-Фараби атындағы ҚазҰУ-дың бірінші проректоры, х.ғ.д., профессор, химия факультетінің түлегі Мұқаш Бүркітбаев; тарих факультетінің түлегі Алексей Коротченко; әскери прокурор, заң факультетінің түлегі Ерғали Мерзатдинов; б.ғ.к., доцент, биология факультетінің түлегі Қазбек Шүпшібаев достық матчта жақсы ойын көрсетті.

Матчтың қорытынды нәтижесі бойынша студенттер құрама командасы бадминтоннан 5:0, волейболдан 2:1, үстел теннисінен 3:2, шахматтан 10,5:6,5 ұпаймен жеңіске жетсе, түлектер командасы мини-футболдан 7:2 ұпаймен ұтып шықты.

ҚазҰУ-дың спорткешені