2019 жылдың 11 желтоқсанында әл-Фараби атындағы Қазақ ұлттық университетінің әскери кафедрасында Қазақстан Республикасының Тәуелсіздік күніне арналған салтанатты шара өтті.
Салтанатты шара жаңа форматта өтті. Бірінші бөлім Қарулы Күштер мен еңбек ардагерлерінің мерекесі болды. Университет басшылығының және әскери кафедраның бастығы полковник О.Ажимовтың атынан Қарулы Күштердің ардагерлері запастағы полковник Муздыбаев Р.Т., Иханбаев Б.М., запастағы подполковник Билык В.П., запастағы майор Кусайынов Б.Ш., еңбек ардагерлері Бейсетбаева Е.А. және Кушумов А.К. грамоталармен марапатталды. Әскери кафедраның бірқатар оқытушылары мен студенттеріне алғыс білдірілді.
Іс-шараның екінші бөлімінде «Әскери журналистика» әскери мамандығында оқитын әскери кафедраның студенттері «Менің Отаным - Қазақстан!» атты презентация-концертін көрсетті, оның барысында қазақ мемлекеттілігінің қалыптасу кезеңдері көрсетілді. Ұлы қазақ ақындарының өлеңдері, соғыс жылдарындағы әндер мен ХХ ғасырдың соңындағы музыкалық композициялар жарқын әрі әсерлі шырқалды. Іс-шара «Менің Қазақстаным!» әнінің барлық қатысушыларының орындауымен аяқталды.
Тәуелсіздік мерекесі қарсаңында әскери кафедраның басшылығы мен профессорлық-оқытушылық құрамы әскери кафедрада оқитын студенттер үшін, «Арыстан» мамандандырылған лицейінің оқушылары, «Бөбек» ұлттық орталығының өзін-өзі тану гимназиясы, және Алматыдағы мектеп оқушылары үшін «Менің Отаным - Қазақстан!» атты дәріс ұйымдастырды. Дәріске барлығы 200-ден астам әскери кафедраның студенттері мен 400-ден астам мектеп оқушылары қатысты.
Басқа жаңалықтар
