Ақылы негізде оқитын студенттерге жеңілдіктер жасалады

Ақылы негізде ілім алып жүрген 2-4 курс студенттері оқу үлгерімі жоғары болған жағдайдажеңілдікке ие болады. Бқл жөніндеҚазҰУ-дың оқу жұмысы жөніндегі проректоры Мұрат Орынханов мәлім етті. Оның негізгі шарты – оқуда озатты, әрі GРА көрсеткіші 3,67-4,0 баллдан кем болмауы тиіс.

Оқу жылының қорытындысы бойынша GРА 4,0 – 25%, GРА 3,67-4,0 – 15%, жетім балалар мен мүгедек студенттерге GPA 3,0-4,0 – 25% жеңілдіктер жасалады. Оған келесідей құжаттар қажет:

1. Сұраныс хат
2. Транскрипт
3. Эдвайзердің мінездемесі
4. Әлеуметтік мекемелерден алынатын тиесілі құжаттар.

Егер студенттің оқу үлгерімі күрт нашарлап, университеттен шығарылып оқуға немқұрайлықпен қарайтын болса, университет ережелеріне қарсы келетін іс-әректтерге барған жағдайда студентжеңілдік алу мүмкіндігінен айырылады.

ҚазҰУ-дың Баспасөз қызметі