1 КУРС СТУДЕНТТЕРІН ҚАБЫЛДАУ КЕШІ

Жылдағы дәстүр бойынша Қазақ ұлттық университеті 1 курс студенттерін ресми түрде студенттер қатарына қабылдады.

 Ауқымды студенттік мерекеге биыл 6 мыңнан аса бакалавриатқа түскен бірінші курс студенттері келді. Олардың 5 мыңнан асасы мемлекеттік білім грантын иеленген үздік мектеп түлектері болса, қалған басым бөлігі «Алтын белгі» иегері, әртүрлі байқаулар мен халықаралық және республикалық олимпиада жеңімпазы және 1200-ге жуық шетел азаматтары  бар.

Алғаш рет Қазақстандық университет - әл-Фараби атындағы ҚазҰУ әлемдегі 400 ең үздік университеттер арасында 207 орынға ие болып, QS «World University Rankings» халықаралық рейтингісінде тағы да алға шықты.

Мерекелік шарада студенттер университет пен ел игілігі үшін бетке ұстар азамат болуға, оның абыройын асқақтатуға, бәсекеге қабілетті маман болуға ант берді. «Студенттік билет» пен «Білім кілтін» иеленген 1 курс студенттері ресми түрде әл-Фараби атындағы Қазақ ұлттық университетінің студенттері қатарына қосылды.