15 қаңтар – Әл-Фараби атындағы ҚазҰУ-дың туған күні!

       ҚазҰУ-ға – 86 жыл!
   

     Еліміздің жетекші университеті, халықаралық ең үздік ЖОО-лар рейтингілерінде топ-210 қатарына енген ҚазҰУ өзінің 85 жылдық тарихын жетістіктермен қорытындылап, келесі белеске қадам басты. ҚазҰУ «УНИВЕРСИТЕТ 4.0» - жаңа буынның жоғары оқу орны үлгісін жасады. Әл-Фарабидің қайырымды қоғам азаматтарын қалыптастыру идеяларына негізделген үлгі БҰҰ штаб-пәтерінде таныстырылып, оны халықаралық дәрежеде тарату ұсынылды. Қарашаңырақ бұл жолда мақсаттар мен жоспарларды жүзеге асырып келеді. Биыл әл-Фарабидің 1150 жылдық меретойы. Елбасы атап өткендей, Ұлы даланың әлемге әйгілі тұлғалары еліміздің беделін халықаралық аренада ілгерілетуге ықпал ететін, мемлекет үшін баға жетпес символикалық капитал. Ұлы ғалымның есімін иеленген әл-Фараби атындағы Қазақ ұлттық университеті бұл міндеттерді жүзеге асырудағы өзінің маңызды миссиясы - әлемдік өркениет ұлы ойшылдарының бірі ретінде әл-Фараби образын және оның өзекті идеяларын алға жылжыту деп санайды. ҚазҰУ-дың алдағы мақсаты халықаралық рейтингіде топ-200 бағындыру. Білім, ғылым, оқыту, зерттеу, тәрбие және әлеуметтік міндеттерді қатар тоғыстырған университеттің әлеуеті зор ұжымымен және студенттер қауымымен бұл белесті бірге бағындырамыз!