VII қысқы Азия ойындарына арналған студенттер арасында жарыс өтті

Қаңтар айының 30-жұлдызы күні дүбірлі VII қысқы Азия ойындарын насихаттау және студенттердің уақытын тиімді әрі салауатты өткізу мақсатында ҚазҰУ қалашығының директоры Әбдіқаһар Сейтжановтың ұйымдастыруымен жатақханалар арасында қыздар волейболдан, ал ұлдарға шағын футболдан жарыс өткізілді. Барлығы волейболдан 10 команда, футболдан 14 команда қатысты.

Волейбол қорытындысы бойынша I орын №14 жатақхана физика факультеті, II орын №1 жатақхана халықаралық қатынастар факультеті, ал III орынды №9 жатақхана философия және саясаттану факультеті қанжығасына байланса, шағын футболдан I орын №14 жатақхана физика факультеті, II орын №9 жатақхана философия және саясаттану факультеті, III орынды №14 жатақхана механика-матиматика факультетінің студенттері иеленді. ҚазҰУ қалашығының директоры Әбдіқаһар Сейтжанов жеңімпаздарды шын жүректен құттықтап, арнайы дипломдармен қоса университетіміздің 75 жылдық мерейтойына арнайы жасалынған сый-сияпаттар тарту етіп, естелікке суретке түсті. Алдағы уақытта осындай шаралардың ұйымдастырылуына ұйытқы болатынын айтты.

ҚазҰУ-дың Баспасөз қызметі