«Green Wаy» экологиялық қозғалысына сұраныс артып отыр

Әл-Фараби атындағы ҚазҰУ студенттерінің «Green Wаy» экологиялық қозғалысы «ЭКОЧАШКА» атты экология тақырыбындағы кинолар фестивалін ұйымдастырушыларының бірі болып отыр. Аталған іс-шара Алматы қаласында 2011 жылдың 24-27 ақпан күндері өтеді.

«ЭКОЧАШКА» қазақстандық көрермендерді экология тақырыбындағы шет елдік фильмдермен таныстыратын жалғыз фестиваль. Бұл фильмдердің басты ұстанымы «өмір экологиясы» тақырыбы. Фестиваль барысында көрермен назарына ұсынылатын барлық фильмдер Қазақстанда тұңғыш рет экранға шықпақ. Олар халықаралық фестивалдерге қатысып, жүлделі орындарға ие болған туындылар. Біз бұл фильмдерді сіздердің назарларыңызға ұсына алатынмызға қуаныштымыз. ҚазҰУ студенті, табиғат жанашыры ретінде сен де бұл мерекеден тыс қалма!

Барлық сұрақтар бойынша «Green Wаy» қозғалысының жетекшісі Ақерке Адежановаға 87009214158 телефоны арқылы хабарласуға болады.

ҚазҰУ-дың Баспасөз қызметі