ҚазҰУ-дың шығыстану факультеті корейтану кафедрасында 2011 жылдың 23 ақпанында «Біз Корея жайында не білеміз?» атты интеллектуалды ойыны өтті. Мұндай ойындарды өткізудің мақсаты Қазақстанда Кореяның танымал болуы, корей тілін оқытуды жоғарылату, Қазақстанда корей ұйымдарымен халықаралық байланыстар орнатуға орай өткізіліп отыр. Арнайы келіп қатысқан қонақтар Қазақстандағы корей Ассоциациясы – президент Ким Роман Ухенович, Алматы қалалық корей білім беру орталығы –директор Кан Сонг Чоль. КИСИ ҚР президенті тұсындағы – Бас маман т.ғ.д. проф. Ким Герман Николаевич.
Жарысқа 1-2 курс студенттері қатысты. 3 курс студенттері сарапшы міндетін атқарып, әрі қазылар алқасын толтырып отырды. Ойын бірнеше кезеңде өтті. Бірінші турда командалар белсенділік танытып, команда мүшелерін көрермендермен таныстырды. Бұл слайдтық презентациялармен би, сахналық қойылымдар болды. Блиц – жылдамдық жарысы, қатысушыларға Корея туралы сұрақтар қойылды. Сұрақтарға жауап бере отырып, олардың тапқырлықтары айқындалды. Үй тапсырмасында қатысушылар Корея туралы өз ойларын шығармашылық көрсетіліммен ашып көрсетті. Жеке ықылас сахналық жарысқа бөлендi. Сұрақ - жауап – күрделi жарыс, корейтанудың әртүрлi облыстарынан тұратын тақырыптық сұрақтар. Сұрақтардың арасында - сарапшылар, қазылар алқасынан да тапсырмалар болды. Бiрiншi орынды (команда капитаны - Исабаева Анель) Хуайтинг командасы алды. Жалпы жарыста 24 команда мүшесi, 4 ұйымдастырушы және кәрiс бөлiмінiң барлық студенттерi ат салысты. Ойын жаппай, ойын-сауық сипатта өтіп, жүлделер Алматы корей бiлiм беру орталығынан дайындалды.
ҚазҰУ-дың Баспасөз қызметі
Басқа жаңалықтар
