Ақынжанов оқулары жас ғалымдар конференциясы
2011 жылдың 23 ақпанында еліміздің атақты археологы Ақынжанов есімімен байланысты, дәстүрлі "Ақынжанов оқулары" атты кезекті Республикалық жас ғалымдар конференциясы болып өтті.
Конференцияға Ә.Х.Марғұлан атындағы Археология институтының жас мамандары, факультетіміздегі "Археология және этнология" ғылыми-зерттеу орталығының жас ғалымдары, факультетіміздің магистранттары мен студенттері қатысты. Сондай-ақ Жетісу Мемлекеттік Университеті мен Шығыс Қазақстан Мемлекеттік Университеттерінен жас ғалымдар қатысып, баяндама жасады. Конференцияда қазіргі Қазақстан археологиясының өзекті мәселелері бойынша баяндамалар тыңдалды және талқыланды.
Келесі күні конференция қонақтарына, жас ғалымдарға тарих факультетінің деканы, т.ғ.д., профессор Ж.Қ.Таймағамбетов дәріс оқып, Палеолит музейіне саяхат жасады.
Басқа жаңалықтар
