Білімге деген құштарлық шектеуге көнбейді

COVID-19 бүкіл әлемге көптеген шектеулер мен көңілсіздіктер әкелді, академиялық ұтқырлық жоспарларын түзету қажет болды, өйткені студенттерді шетелге оқуға жіберу тоқтатылды. Әлемдегі қазіргі жағдайға қарамастан, Қиыр Шығыс кафедрасының Корей бөлімі студенттері онлайн-курстардың арқасында Кореяның Сукмён университетінде оқуларын жалғастыруда.

Корея тілін жетілдіруге арналған грант жобасы 2020 жылдың қаңтарында басталды және біздің студенттердің Корея тарихы мен мәдениетін көбірек білуге ​​деген ұмтылысының арқасында бүгінгі күнге дейін жалғасуда. Бұл жоба Корея қорының (KF) және Сукмён қыздар университетінің (SMU) қаржылық қолдауымен жүзеге асырылуда. УниверситеттіңIEQAS (Халықаралық білім сапасын қамтамасыз ету жүйесі) сертификаты бар, ол халықаралық білім беру мекемесінің мәртебесін растайды. Онлайн-курстар Сукмён университетінің бағдарламасы бойынша әзірленеді, осы университеттің профессорлары видео дәрістер оқиды. Оқытушылар құрамына корей лингвистика мамандандығы бойынша магистрлар мен PhD докторлар кіреді.

Бұл курс аптасына 3 сағаттан тұратын 15 академиялық аптаға арналған. Оқу бағдарламалары мұқият ойластырылған, сондықтан оларды басынан аяғына дейін толықтай орындау ұсынылады. «Шетелдіктерге арналған корей тілі (1 деңгей)» онлайн курсы дүйсенбі күні, «шетелдіктерге арналған корей тілі (3 деңгей)» және «шетелдіктерге арналған корей тілі (6 деңгей)» курстары сейсенбі күні өтеді. Онлайн курстарға корей бөлімінің 1, 2 және 3 курстарының 50-ден астам студенттері қатысады. Курстар аяқталғаннан кейін бұл пәндер студенттердің транскриптіне енгізіледі.

Қиыр Шығыс кафедрасының аға оқытушысы Пак Т.Н.