әл-Фараби атындағы Қазақ ұлттық университеті, шығыстану факультетінің студенттері Алматы қаласы бойынша "Қытай тілі көпірі", Республикалық "Қытай тілі көпірі" байқауларында кафедрамыздың оқытушысы Дүйсенбай Құлпынайдың жетекшілігіндегі студенттер ерекше белсенділігімен көзге түсті. Атап айтсақ, Онланова Жанель қалалық сайыстың үшінші, Республикалық сайыстың бірінші орнын иеленді. Ал Нұржанова Сәлсәбіл қалалық байқауда екінші орын алып, республикалық байқауда үшінші орынға ие болды. Мақсұт Айдана Алматы қаласы бойынша өткен сайыста үшінші орынды қанағат тұтты. Байқау нәтижесінде аталған студенттер Қытай Халық Республикасының алдыңғы қатарлы жоғары оқу орындарында оқу грантына қол жеткізді. Сондай-ақ жеңімпаз студенттерге алғыс хат, арнайы сыйлық табыс етілді.
Дарынды, талантты студенттердің жетекшісі Дүйсенбай Құлпынайды Алматы қаласындағы ҚХР Бас консулдығы мен Конфуций институты алғыс хатпен марапаттап, сыйлық тарту етті. Әріптестері атынан Дүйсенбай Құлпынайдың жұмыстарына табыс, шығармашылық шабыт тілейміз!
Басқа жаңалықтар
