Олимпиада М. Өтемісов атындағы Батыс Қазақстан мемлекеттік университетінің химия кафедрасының меңгерушісі, профессор Д.К.Мендалиеваның және факультет түлегі Р.Ермағамбетовтың ұйымдастыруымен өткізілді. Олимпиаданың 1-теориялық турына 47 оқушы қатысып, оның 33-і 4 ақпанда өткен 2-турға қатысты. Олимпиада қорытындысы бойынша орын алған 7 оқушы дипломдармен, ҚазҰУ баспасынан жарық көрген кітаптармен, оқушыларды дайындаған мұғалімдер алғыс хаттармен марапатталды.
Мұндай олимпиада дәстүрлі түрде Орал қаласында жыл сайын өткізіледі. 2005 жылдың 5 қарашасында Батыс Қазақстан облысының Орал қаласындағы Жәңгір хан атындағы Батыс Қазақстан аграрлық техникалық университетінің химия және химиялық технология кафедрасында профессор Мендалиева Дина Кенжебекқызының басшылығымен әл-Фараби атындағы ҚазҰУ-дың химия факультетінің филиалы ашылған. 2006 жылдың қыркүйек айынан бастап М.Б.Ихсанов атындағы № 36 орта мектепте әл-Фараби атындағы ҚазҰУ-дың 2005 жылғы түлегі Ермағамбетов Русланның басшылығымен химиктердің сырттай оқу мектебі жұмыс жасайды.
Басқа жаңалықтар
