География факультеті геоморфология және картография кафедрасында “Геодезия және картография күні” кәсіби мерекесіне орай мерекелік шара өтті.
Геодезия және картография мамандығына арналған ән ұран байқауы және геодезия және картография мамандығына арналған эмблема жарысы өте қызықты өтті. Сонымен қатар, сайысқа қатысушылар «Мамандығым – менің болашағым!» атты бейне-роликттер дайындап көрермен назарына ұсынды. Байқау қатысушыларына деканның тәрбие жұмысы жөніндегі орынбасары Айдар Жұмалипов және кафедра оқытушылары құттықтау лебіздерін жеткізді.
Сондай-ақ, геоморфология және картография кафедрасының куратор-эдвайзерлары №4 жэатақханада шығармышылық байқау, қызықты ойындар ұйымдастырып “Студенттік өмір” тақырыбында фотосессия жүргізді.
Факультет студенттері мерекелік шарада белсенділік танытып, өнерге деген сүйіспеншіліктері мен қабілеттерін танытты. Үздік танылғандар факультет басшылығы тарапынан бағалы сыйлықтар иеленіп, салтанатты түрде марапатталды.
Кафедра куратор-эдвайзерлері
аға оқытушы З.К.Сарсембекова,
оқытушы А.А.Асылбекова
Басқа жаңалықтар
