Журналистика факультетінде Республикалық «Болашақ бапагер-редактор» байқауы өтеді

19 сәуір 2011 жыл әл-Фараби атындағы Қазақ ұлттық университеті журналистика факультеті баспа ісі және БАҚ дизайны кафедрасының ұйымдастыруымен, Алматы қалалық әкімдігінің және республикалық ақпарат құралдары мен баспалардың қолдауымен мектеп және колледж оқушылары арасында Республикалық «Болашақ бапагер-редактор» байқауы өтеді. Бұл шараға Сіз басқарып отырған ақпарат құралы да белсене атсалысады деп сенеміз.

Байқаудың өтетін орны: әл-Фараби атындағы Қазақ ұлттық университетінің журналистика факультеті. 3-зал. әл-Фараби даңғылы 71 а

Байқаудың мақсаты:

- Мектеп оқушыларына кәсіби бағдар беру;

- Олардың баспа ісі жөніндегі түсінік-танымын кеңейту;

- Кітап дайындау, шығару, тарату кәсібіне баулу;

- Баспа бизнесімен айналысуға жол ашу;

- «Баспа ісі» мамандығына қызығушылығын ояту.

-

Қатысушылар үш сынақ бойынша жарысқа түседі:

1. Журналистік-публицистік сынақ (ауызша және жазбаша):

А) жазбаша сынақ сынтезі:

- таңдалған шығарманың мазмұнын яғни тақырыбы мен идеясын ашуы;

- шығарманың пішінін, яғни композициясы, сюжеті, тілі, стилін дұрыс құра білуі;

- грамматикалық, стилистикалық, пунктуациялық сауатының жоғары болуы.

Ә) ауызша сынақ сынтезі:

- білімділік;

- мәдениеттілік;

- жаңашылдық.

1. Безендік (дизайн) сынақ сынтезі:

- шығарманың мазмұнын аша білуі;

- бояулардың үйлесімін таба білуі;

- жазу, сызу және бояу тәсілдерін үйлестіре білуі;

- жаңашылдық.

1. Редакторлық-корректорлық сынақ сынтезі:

- сөйлемнің стилистикалық құрылымын дұрыстау;

- грамматикалық сауат;

- пунктуациялық сауат.

Байқау бағдарламасы:

8.00-8.50 –Қатысушыларды тіркеу.

8.50-9.00–Байқаудың басталуы. ҚазҰУ ректоры Ғ.М.Мұтановтың байқау қатысушыларына алғысөзі. Байқау ережесімен таныстыру.

9.00-10.00 – шығарма жазу;

10.00-11.00 – мұқабаны безендіру;

11.00-12.00 – қате табу, сөйлем түзету;

12.00-13.00 – ауызша сынақ;

13.00-14.00 –үзіліс;

14.00-14.30 – ҚазҰУ жөнінде деректі фильм көрсету;

16.00 – Байқау жеңімпаздарын марапаттау (хим-фак малахитовый зал).

16.30 –Концерт. Халықаралық және республикалық конкурстар мен фестивальдардың лауреаты «Тұран» этно-фольклорлық тобы: Мақсат, Абзал, Серік, Бауыржан; сондай-ақ, эстрада саңлақтары-Қадырбаева Қаламқас, Ерлан Байбазаров( эстрада., вокал), Ержан Жармеңкеев, Абылай Тілепбергенов(домбыра), Бибігүл Сауытова(дәстүрлі ән), Нартай Бекмолдиев(баян), Алмас Алтынбеков, Тимур Тілеуқабылов, Мақсат Мақұлбеков, Илзат Сламов (вокал, квартет) өнер көрсетеді.

Жеңімпаздарды марапаттау:

1. Ең үздік деп танылған жеңімпаздар ректор грантын иеленеді. Егер ректор грантын иеленген жеңімпаз ЖОО-ға қабылдау конкурсынан мемлекеттік грантты жеңіп алған болса, ректорлық грант ЖОО-ға қабылдау конкурсынан мемлекеттік грантын иелене алмаған, байқауда жеңімпаз атанған келесі талапкерге беріледі.

2. Ынталандыру сыйлығын алған жеңімпаз, егер «5В042200 баспа ісі» мамандығы бойынша оқуға түссе, бір жылдық шәкіртақыға ие болады.

3. Қатысушыларға және олардың жетекшілеріне байқауға катысқаны жөнінде арнаулы сертификат беріледі.

Республикалық байқау демеушілері: “Қазақ энциклопедиясы” бас редакциясы, «Білім», «Қазығұрт», «Арыс», «Ан-арыс» және тағы да басқа баспалар.

ҚазҰУ-дың Баспасөз қызметі