Студенттер мен жас ғалымдардың «Ғылым әлемі» халықаралық конференциясы өтеді

16-22 сәуір күндері әл-Фараби атындағы ҚазҰУ-дың механика-математика факультетінде ҚР Тәуелсіздігінің 20 жылдығына арналған студенттер мен жас ғалымдардың «Ғылым әлемі» халықаралық конференциясы өтеді.

Ісшараға Қазақстан, ТМД, АҚШ, Германия, Түркия, Үндістан, Жапония сынды мемлекеттердің жас ғалымдары қатысады.

Жиында ғылымның түрлі саласы бойынша теориялық, тәжірибелік және қолданбалы сипаттағы баяндамалар оқылады.

Конференцияны ұйымдастырудағы басты мақсат - студенттердің ғылыми-зерттеу және оқу-ағарту қызметін дамыту, жас ғалымдардың ғылым саласындағы өзекті мәселелерді шешудегі ұсыныстарын тыңдау, талантты жастарды қолдай отырып, олардың интеллектуалды мүддесін қалыптастыру.

Сондай-ақ конференцияның бағдарламасы аясында ашық есік күндері, интеллектуалды ойындар, PR агенттіктерінің тұсаукесерлері, белгілі ғалымдар мен саясаткерлердің басқосуы, алқасөз жиыны, ғылыми пікірталастар, шеберлік дәрістері, көрме, шешендік өнер сайысы өтеді.

Халықаралық конференцияның салтанатты жабылу рәсімі 22 сәуірде сағат 16.00-де өтеді.

ҚазҰУ-дың Баспасөз қызметі