Ректор грантының иегері – Досжан Балабекұлы

19 сәуірде әл-Фараби атындағы Қазақ ұлттық университеті журналистика факультеті баспа ісі және БАҚ дизайны кафедрасының ұйымдастыруымен, Алматы қалалық әкімдігінің және республикалық ақпарат құралдары мен баспалардың қолдауымен мектеп және колледж оқушылары арасында Республикалық «Болашақ бапагер-редактор» байқауы өтті. Бұл шараға бұқаралық ақпарат құралдарының басшылары да белсене атсалысты.

Байқаудың мақсаты: мектеп оқушыларына кәсіби бағдар беру; олардың баспа ісі жөніндегі түсінік-танымын кеңейту; кітап дайындау, шығару, тарату кәсібіне баулу; баспа бизнесімен айналысуға жол ашу; «Баспа ісі» мамандығына қызығушылығын ояту.

Ректор грантын Жамбыл облысы, Жамбыл ауданы Ерназар ауылының 11-сынып оқушысы Досжан Балабекұлы иеленді. Сондай-ақ, демеушілік жасаған республикалық баспалар өз тараптарынан бір жылдық шәкіртақы тағандады. Сол шәкіртақы иегерлері: «Білім» баспасы - Мансұров Заманбек Болатханұлы – ОҚО, Төле би ауданы, Көксәйек елді-мекені, Төле би атындағы орта мектеп оқушысы, «Қазақ энциклопедиясы» баспасы - Досболқызы Ақшолпан – Қызылорда облысы, Шиелі ауданының оқушысы, «Мектеп» баспасы - Нұрданбекұлы Ернұр – Райымбек ауданы, Талас ауылының оқушысы, «Атамұра» баспасы - Тоқтарбаев Елдос – Алматы облысы, Ақсу ауданы, Арасан ауылының оқушысы бір жылдық шәкіртақы иегері атанды. Сонымен қатар, әртүрлі номинациялар бойынша дипломдар берілді: «Парасат» - Жадыра Омаржан - Алматы қаласы, №81 мектеп оқушысы, «Таным» Колесников Владимир – Алматы қаласы, №10 орта мектеп оқушысы, «Кәсіби білік» - Тасболатова Айдана - («Қазақстан - Заман» газетінің штаттан тыс тілшісі), «Үздік редактор» - Байдаулетова Диана Азатқызы – Астана қаласы, №60 мектеп-лицейінің оқушысы, «Үздік дизайнер» - Құдайбергенова Алтын Құдайбергенқызы – ШҚО, Зайсан ауданы, М. Әуезов атындағы орта мектеп оқушысы, «Үздік автор» - Түгелбай Мақсат – Алматы қаласы, Медеу ауданы, №17 мектеп-интернаты оқушысы, «Жаңарым» - Жексенбекқызы Балнұр – Жамбыл облысы, Шу ауданы, Төле би ауылы, М. Әуезов атындағы орта мектеп оқушысы. Ұйымдастырушылар оқушыны оқытып, білім нәрімен сусындатып, байқауда бақ сынауда қасында қолдау көрсетіп жүрген ұстаздарында алғыс хатпен марапаттады. Олар: Беркімбаева Жеңіскүл Балабекқызы – грант иегері Досжан Балабекұлының ұстазы, Оңғаров Қалиолла Кенбайұлы – Шиелі ауданы оқу бөлімінің бастығы, Мергенбаева Қарлығаш Қанатбекқызы - №5 кәсіптік лицейі, Жаңабаев Тынышхан – Жамбыл облысы, Шу ауданы, М. Әуезов атындағы мектеп директоры, Қазақбаев Сержан Абдолдаұлы – Б.Момышұлы атындағы әскери мектеп, № 54 орта мектеп директоры - Карамендинова Гульнара Маутка.

Салтанатты марапаттау арнайы дайындалған концертпен ұласты. Халықаралық және республикалық конкурстар мен фестивальдардың лауреаты «Тұран» этно-фольклорлық тобы, сондай-ақ, эстрада саңлақтары-Қадырбаева Қаламқас, Ерлан Байбазаров (эстрада., вокал), Ержан Жармеңкеев, Абылай Тілепбергенов (домбыра), Бибігүл Сауытова (дәстүрлі ән), Нартай Бекмолдиев (баян), Алмас Алтынбеков, Тимур Тілеуқабылов, Мақсат Мақұлбеков, Илзат Сламов (вокал, квартет) өнер көрсетті.

ҚазҰУ-дың Баспасөз қызметі