Мұқағали Мақатаевтың өмірі мен шығармашылығына арналған шара өтті

Биыл 9 ақпанда қазақтың ақиық ақыны Мұқағали Мақатаевтың (1931–1976) туғанына 90 жыл толып отыр. Атаулы күнге орай Алматы қаласындағы «Шанс» баспа кітапханасында керемет іс шара өтті. Бұл шараға әл-Фараби атындағы Қазақ Ұлттық Университеті, шығыстану факультеті, қытайтану кафедрасының меңгерушісі Фарида Оразақынқызы бастаған оқытушылар мен белсенді студенттер қатысты. Аталған іс-шараның басты мақсаты – Мұқағали Мақатаевтың өмірі мен шығармашылығымен танысу, ақын поэзиясының халыққа кең таралуының мәні және оның өміршеңдігінің сыры неде екенін таныту, өлеңдерін мәнерлеп оқып оқырман назарына ұсыну. Ақынның өмірі мен шығармашылығына арналған бұл шарада оның өлеңдері оқылып, өмірінің кейбір сәттерінен сыр шертілді. Сонымен қоса, шара барысында студенттер Мұқағали өлеңдерін қазақ және қытай тілдерінде оқып берді.