«Мейірімділік асыл қасиет» атты ашық сабақ

2021 жылдың 10 наурыз күні сағат 16:30-дан 17:15-ке дейін Тұрақты даму бойынша ЮНЕСКО кафедрасының Тіршілік қауіпсіздігі және Қоршаған ортаны қорғау мамандығының 3 курс студенттері «Айналаңды нұрландыр» жобасы бойынша «Мейірімділік асыл қасиет» тақырыбында Zoom платформасы арқылы онлайн форматта ашық тәрбие сағатын ұйымдастырды. Ашық сабақтың мақсаты жастарға тиімді, терең білім берудің және білікті  маман  даярлаудың  жолдарын қарастыру  барысында, сонымен қатар еліміздің жастарының  ұлттық рухын көтеріп, мейірілімдікке жол ашып, жақсы істер жасап, күш  беруді көздеу болатын. Студенттер ашық сабақта мақал-мәтелдер сайысын ұйымдастырып, жақсы игі істер айтып, әртүрлі видеолар қарап, тақпақтар айтып, домбырамен күй тартты. Қазақ халқының мейірімді жақсы істерімен бөлісіп, қазіргі өсіп келе жатқан жастардың мейірімділікке деген ерекше көзбен қарау керек екендігін айтып өтті. Одан соң кафедра меңгерушісі Базарбаева Т.А., оқытушылар Абдибаттаева М.М., Бергенова Н.С. сөз алып, ашық сабақты қорытындылады.