"Жас қазақ" ұлттық апталық

«Шпорға» жол жоқ

Алматыдағы Ө.А.Жолдасбеков атындағы Студенттер сарайының алдында «Шпорға қарсылық» акциясы өтті. Бұл шара студенттерді емтихан тапсыру барысында «шпаргалка» қолданбауға шақырады. ҚазҰУ студенттерінің пайымдауынша, «шпаргалка» қолдану, студенттің өзін-өзі алдаумен пара-пар екен.

Ал «алдау» арқылы мтихан тапсыру – бәсекеге қабілетті маман даярлауға кері әсер етпек. Студенттердің акцияны сессия уақытында өткізуі тегін болмаса керек. 1500-ден аса студент қатысқан «Шпорға қарсылық» акциясы барысында белсенділер «шпаргалкадан» бас тартып, жемқорлыққа жол бермеуге үндеді. Олар «Таза сессия» ұранын көтеріп, парақорлықтан сақтануға шақырды.