«Айқын» Республикалық қоғамдық-саяси газет

Әл-Фараби атындағы Қазақ ұлттық университетінің журналистика факультеті, Қазақстан Журналистер одағы, Бейбіт Құсанбек атындағы қоғамдық қор Бейбіт Құсанбек атындағы тележурналистердің IV республикалық байқауын жариялайды.

Байқаудың мақсаты: журналист Бейбіт Құсанбектің шығармашылығын өнеге ете отырып, жас тележурналистердің шеберлігін шыңдау; Ұлттық тележурналистиканың дамуына ықпал ету; жас талаптардың жаңашылдығына жол ашу.

Байқаудың шарттары:

Тележурналистер өздерінің 2011 жылдың 1 маусымына дейін соңғы бір жылда эфирге шыққан ең таңдаулы бір немесе екі көрсетілімін (хабарлар, бағдарламалар) байқауға ұсына алады;

Байқауға ұсынылатын жұмыстар miniDV, DVD және VHS форматтарында, сол хабар эфирден шыққан телеарнаның анықтамасы және ұжымның талапкер жөнінде, оның хабары туралы мінездеме-кепілдемесі қоса тапсырылады;

Байқауға қабылданған шығармаларды бағалаудың басты талаптары: жүргізушінің өзіндік ерекшелігі, мәдениеті (сөйлеу, өзін өзі ұстауы), парасаты (біліктілігі, сауаттылығы), жаңашылдығы, таңдаған тақырыбын аша білуі.

Тәуелсіз сарапшылар бағасын бергеннен кейін, ақылдастар алқасы жеңімпаздарды жариялайды.

Байқаудың қорытындысы бойынша жеңімпаздар журналистердің кәсіби мерекесі күні марапатталады.

Байқауға қатысатын материалдар әл-Фараби атындағы Қазақ Ұлттық университеті журналистика факультетінің тележурналистика кафедрасына тапсырылуы тиіс.

Мерзімі: 2011 жылдың 23 маусымына дейін.

Мекенжайы: Алматы қаласы, әл-Фараби даңғылы – 71, 2-оқу ғимараты, 224-бөлме. Анықтама телефоны: 3-77-33-38, ішкі нөмірі 1349 немесе 1348.