Қансейіт Әбдезұлы – «Мәдениет қайраткері» белгісімен марапатталды

Әл-Фараби атындағы Қазақ ұлттық университеті филология факультетінің деканы, профессор Қансейіт Әбдезұлы Қазақстан Республикасы Мәдениет министрлігінің шешімімен «Мәдениет қайраткері» белгісімен марапатталды.

ҚазҰУ ректоры Ғалымқайыр Мұтанұлы Ректорат мәжілісінде профессор Қансейіт Әбдезұлына белгіні табыс етіп: «Әр оқытушы ең алдымен мәдениетті болуы керек. Ұстаз үшін де, ғалым үшін де басты керек құндылық осы. Мәдениеттілік қайраткерлікке жол ашады»,- деп атап өтті. «Мәдениет қайраткері» белгісімен құттықтап, ғалымның еңбегіне толағай жетістік, отбасына амандық тіледі.

Өз кезегінде Қансейіт Әбдезұлы университет басшылығына, факультет ұжымына ризашылығын жеткізді.

- «Мәдениет қайраткері» белгісі әдебиет, мәдениет жолында жасалынып жатқан еңбектердің лайықты бағасы деп білемін. Ал ол еңбек – ұжымның бірлігімен, университет басшылығының қолдауымен жүзеге асады, - деді.

ҚазҰУ-дың Баспасөз қызметі