Қабылдау комиссиясы өз жұмысын бастады!

Болашақ мамандық пен жоғары оқу орнын таңдау - әр талапкердің алдағы тағдырын айқындайтын және үлкен жауапкершілікті талап ететін қадам. Өйткені, сапалы жоғары білім мен сұранысқа ие мамандық ғана ертеңгі күнге деген сенімділікті ұялатып, табысты қызмет, лайықты жалақы, қоғамда жоғары әлеуметтік мәртебе мен беделді қамтамасыз етеді.

Дарынды және қабілетті талапкерлерді тарту және оларға болашақ мамандықтарын таңдауға көмек беру мақсатында Қабылдау комиссиясы шілденің 20 мен тамыздың 8 аралығында сағат 9.00-17.00 университеттің қабылдау комиссиясының бас оқу ғимаратында (ГУК-3) Факультет күндерін, сондай-ақ, Декан сағаттарын өткізеді. Ол жерде талапкерлер факультет өмірі, оның профессорлық-оқытушылық құрамының жетістіктері, оқу бағдарламасы туралы көптеген қызықты мәлімет ала алады, сонымен қатар, факультет пен мамандық таңдау жөнінде білікті кеңес және оларды қызықтыратын басқа да сұрақтар туралы толық ақпарат ала алады.