Көрнекті тіл маманының ізбасарлары

Әл-Фараби атындағы ҚазҰУ-дың филология факультеті "6В02305-Қазақ филологиясы" мамандығының 3-курс студенттері Адилбек Динара және Еркінова Құралай, "6В02305-Қазақ филологиясы" мамандығының 2-курс студенті Мысырқызы Маржандарға профессор Р.С. Әмір атындағы атаулы шәкіртақы табысталды. Шәкіртақы иегерлері ғалымның ғылыми мұрасын зерттеп-зерделеп, бағыты мен соны идеяларына негізделген тақырыпта халықаралық, республикалық конференциялар мен байқауларға қатысып, болашақта оны диплом, магистрлік, докторлық диссертацияларға ұластырады. Ғалымның қазақ тіл білімі мен оқыту әдістемесіндегі ғылыми мектебі жалындаған жастармен жалғасын табуда. Студенттерге қолдау көрсеткен ғалымның қызы Ж.Р. Әміроваға рақыметімізді айтамыз.