Алматы қаласында «Ауған соғысының ақиқаты» тақырыбында полиция қызметкерлерімен кездесу өтті.

Кездесуге Ішкі істер органдарының мемлекеттік күзет қызмет басқармасының полиция қызметкерлері қатысты.

Бұл кездесуде профессор, т.ғ.д., Болат Сайлан полиция қызметкерлеріне Ауған соғысы мен оған қазақстандықтардың қатысуы туралы әңгіме өткізді. Бұл кездесуде Ауған соғысының қасіреті мен қырғыны, адам және техникалық шығындар мен қан кешті оқиғалар, тұтқынға түскендер мен із-түзсіз жоғалғандар туралы айтылды.

Бүгінгі таңдағы Ауған соғысы ардагерлерінің жай-күйі мен олардың Отандық патриотизмге қосып жүрген үлесі туралы да әңгімелер қарастырылды.

Полиция қызметкерлерінің Ауған соғысындағы қазақстандықтардың ерлігі мен шығыны жайында қойылған сұрақтарына мағыналы жауаптар қайтарылды.

Сөз соңында жас полицейлерге әл-Фараби атындағы ҚазҰУ-ға оқуға түсіп, білім алуға шақырылды.