Торайғыров университетінде «Пандемияның экономикалық дамуға әсері» тақырыбында экономикалық мамандықтар бойынша студенттердің ғылыми жұмыстарының халықаралық байқауы өтті.

«Пандемияның экономикалық дамуға әсері» тақырыбы бойынша студенттердің ғылыми жұмыстарының байқауы екі секция бойынша өткізілді: 1) Кәсіпкерлік және экономикалық белсенділік; 2) Жұмыспен қамту және жұмыссыздық.

Байқауға экономикалық мамандықтары бойынша 3 және 4 курстарда оқитын қазақстандық және шетелдік жоғары оқу орындарының студенттері қатысты: Л.Н. Гумилев атындағы Еуразия ұлттық университеті, Торайғыров университеті, Ресей Федерациясы Үкіметінің жанындағы Қаржы университеті (Қаржы университеті), Әл-Фараби атындағы Қазақ ұлттық университеті, Х.Досмұхамедов атындағы Атырау университеті, М. Өтемісов атындағы Батыс Қазақстан университеті және т.б.

Біздің «Экономика» мамандығының 3 курс студенттері Айтназаров Темур мен Қадырбекова Далила «Пандемия жағдайындағы Қазақстан экономикасының даму перспективалары» тақырыбындағы ғылыми жұмысымен қатысты. Ал байқау қорытындысы бойынша «Кәсіпкерлік және экономикалық белсенділік» секциясы бойынша 3-дәрежелі Дипломға ие болды. Жұмыстың ғылыми жетекшісі э.ғ.к., «Экономика» кафедрасының профессор м.а. Андабаева Г.К.