Алаш туы астында, күн сөнгенше сөнбейміз!
«25 қазан – Республика күні» мерекесі қарсаңында студент жастарға патриоттық сезімді дамытып, отаншылдық рухқа баулу мақсатында 21 қазан күні Қытайтану кафедрасы «Алаш туы астында, күн сөнгенше сөнбейміз!» атты тақырыпта кеш өткізді. Кешке «Отбасы хрестоматиясы» қорының лекторы, осы қордың аясында шыққан кітаптардың авторларының бірі Айбек Нәби шақырылды. Кездесу барысында Айбек мырза ізденуші студент жастарға Алаш арыстарынан бастау алатын қазақтың елін, жерін сүйген және сол жолда бастарын бәйгеге тігіп, түрлі құрбандықтар берсе де қазақтың тәуелсіздігі мен тұтастығы жолында шексіз қызметтер мен еңбектер сіңірген ұлы тұлғалар турасында өте тартымды лекция оқыды. Студент жастар өте жақсы әсер алып, өздерін қызықтырған мәселелер бойынша сұрақтар қойды. Кездесу өте әсерлі және қызықты өтті.
