«Тәуелсіздік, тұр тапжылмай тағыңда»

28 қазан күні география факультетінде Қазақстан Тәуелсіздігінің 20 жылдығына арналған «Тәуелсіздік, тұр тапжылмай тағыңда» атты география факультеті студенттерінің қатысуымен факультет көлемінде байқау өткізілді. Тәуелсізідіктің мәні мен мазмұнын ашу және студенттерді ұлтжандылыққа, қаһармандылыққа тәрбиелеу байқаудың басты мақсаты болды. Байқауға «Көркемсөз оқу», «Өнер сайысы (ән, би)», «Қойылым» кезеңдерінен тұрды.

Байқауға «Сұңқар» (геодезия және картография, қазақ бөлімі); «Азаттық» (геодезия және картография, орыс бөлімі); «Алға КЗ» (кадастр, орыс бөлімі); «Жалын» (ғылыми география); «Тәуелсіздік ұшқыны» (ОБЖ); «Жасыл ел» (экология, қазақ бөлімі); «Болашақ» (метеорология, қазақ бөлімі); «Гидрологтар» (гидрология); «Береке» (туризм, қазақ бөлімі); «Бірлік» (геодезия және картография, орыс бөлімі); «Жас қыран» (метеорология, орыс бөлімі) атты 11 команда қатысты.

Әділқазылар алқасын Тәрбие жұмысы және тіл саясатын ұйымдастырушылық-әдістемелік қамтамасыз ету бөлімінің жетекші маманы Әлия Атабекқызы Тұрмаханбетова, География, табиғатты пайдалану факультеті деканының орынбасары Айдар Рахметұлы Жұмалипов, Мемлекеттік тіл кафедрасы меңгерушісінің орынбасары Назкен Жәненқызы Егізбаева, доцент Арзан Жахановна Жұмағұлова, доцент Роза Қалдыбекқызы Өмірбекова құрады. Байқауды ден қойып тамашалаған әділқазылар алқасы өнерпаз студенттердің өнерін төмендегідей бағалады. Атап өтер болсақ, 1-ші орынды «Бірлік» командасы, 2-ші орынды «Тәуелсіздік ұшқыны» командасы иеленсе, 3-ші орын «Жас қыран» командасына бұйырды. Жеке өнерпаздар нәтижесі мынадай болды. «Көркем сөз» оқудан Айзада Асетқызы «Егемен ел - Қазақстан» (өз авторлығы), Фариза Қалмұрзина Мұқағали Мақатаевтың «Аққулар ұйықтағанда» поэмасы, «Өнер» сайысынан Сымбат Бұлар «Аққу биі», Айдар Оразгелдиев «Бұлқынды жүрек» әні, «Желтоқсан ызғары» қойлымында Қайрат Рысқұлбековтың рөлін сомдаған Саламат Сейілов, «Қайраттың хаты» көрінісінде ойнаған Бауыржан Наматилла актерлік шеберлігі үшін мақтау қағазымен марапатталды. Тіл құдыреттілігін дәріптеп, патриоттықты насихаттаған кешті ұйымдастырушылар Мемлекеттік тіл кафедрасының оқытушылары доцент С. Нұрахметов, доцент Ш. Рамазанова, аға оқытушы Б. Досанов, аға оқытушы А. Бисенбаевтар көрермендер ризашылығына бөленді.

ҚазҰУ-дың Баспасөз қызметі