Үстел теннисінен жеңімпаздар марапатталды

Тәуелсіздігіміздің 20 жылдығына арналып әл-Фараби атындағы Қазақ Ұлттық университетінде спорттың әр түрінен іс-шаралар өткізілуде. Соның бір айғағы ретінде, қараша айының 12-ші жұлдызында филология, әдебиеттану және әлем тілдері факультетінің кафедраларының ұйымдастыруымен үстел теннисінен «декан кубогы» ұйымдастырылды.

Барлығы сайысқа 1,2,3,4-ші курс студенттері мен факультет мұғалімдерінен құралған 5 команда қатысып, өз шеберліктерін көрсетті. Ойын барысы өте қызықты әрі тартысты өтті. Ойын ережесі 2 кезеңнен тұрды: жалпы командалық сайысы және жеке ойын сайысы. Сонымен, сайыстың бірінші кезеңі қорытындысы бойынша командалық есепте І-орынды 3-курс, ІІ-орын 2-курс, ІІІ-орын 1-курс студенттеріне бұйырды. Сайыстың екінші кезеңі бойынша өз шеберліктерімен дараланған: М. Баратов, Н. Қайралапов, А. Нурбаев сияқты студенттерді атап кетуге болады. Осы сайыста «өте үздік» ойын көрсеткені үшін Е. Жұмадулаев, П. Бисенбаев марапатталды. Сайыс соңында орыс тілі және орыс әлем әдебиеті кафедра меңгерушісі Б. Жолдасбекова сайыс жеңімпаздарына торт үлестіріп, сайыс соңын одан әрі қызықтыра түсті.

ҚазҰУ-дың Баспасөз қызметі