Колумбия университетінде ректор Ғалым Мұтанов бастаған ҚазҰУ делегациясы студенттік бизнес-инкубатор жұмысымен және «Теплица» жобасымен танысты

Америкалық жетекші ЖОО кәсіпкерлік орталығының жетекшісі студенттермен тиімді, қоғамдық сұранысқа ие пайдалы жобаларды қалай құру керектігі жайлы айтты. Мұнда студенттер сабақ барысында кәсіпкерліктің дағдыларын тәжірибе жүзінде меңгеріп, өздерінің жобаларын іске асыруда жұмыс орнын қалыптастыра алса болғаны.

Бұл үшін университетте «Теплица» курсы жасалынып, енгізілген. Университет мөлшерін саралай отырып, студенттердің бастамасын қаржыландырады, оларға тәуекелге бара отырып сәтті нәтижеге жетуге қолдау білдіреді.

Жобалар жүзеге аспай қалған күнде де бұл студенттердің болашақта жобалармен жұмыс істеуіне үлкен ізденіс болады. Мұндай жағдайда университет барлық қаржылық қолдауды өз мойнына алады. Оқу курсы мен тәжірибе жұмысының араласуы қазақстандық делегацияның қызығушылығын тудырды. Америкалық әріптестер алда ҚазҰУ-ға арнайы келіп, тәжірибелерімен бөлісетіндіктерін жеткізді.

Кәсіпорындар, ғалымдар мен үкіметпен инновациялық жобалар мен ғылыми жұмыстарды коммерциализациялауда серіктестікті орнату механизмі жайлы профессор Джек Маккорти баяндады.

Өз кезегінде Колумбия университетінң профессорлары тарапынан ҚазҰУ ұсынған «Қазақстан Тәуелсіздігінің 20 жылдығына – 20 инновация» жобасы зор қызығушылық байқатты. Бұл жоба нано- және биотехнология, энергетика, қоршаған ортаны қорғау, медицина, ақпараттық технологиялар және т.б. салалар бойынша жаңа технологиялар алуға бағытталған.

Кездесудің нәтижесінде Колумбия университетінде әріптестік меморандумына қол қойылды. Бұл құжат екі жақты серіктестіктің болашағына даңғыл жол ашады

Шекара сыртындағы іс-сапарда ҚазҰУ Нью-Гэмпшир, Сан-Франциско, Колумбия Стэнфорд жәнеи Калифорния университеттерімен танысады. Сондай-ақ, «Силиконовая долина» және Google Inc, HP, Cisco, Chevron Energy Solutions т.б. компанияларға бару жоспарланып отыр.