ШЫҰ Университетінің Хартиясына қол қойылды

Әл-Фараби атындағы Қазақ Ұлттық университетінің ШЫҰУ оқу орталығы 2011 жылдың 6-9 қараша аралығында Мәскеу қаласында өткен Шанхай Ынтымақтастық Ұйымының құрылғанына 10 жыл толуына орай өткен халықаралық қоғамдық-саяси маңызы зор «Шексіз білім» атты IV білім апталығына қатысып қайтты.

Осы іс-шараға ШЫҰ мүше-елдерінің білім басқармасы ұйымдарының жетекшілері, ШЫҰ Университетінің басты (базалық) ЖОО өкілдері қатысты.

Апталық барысында ШЫҰ Университетінің Хартиясына қол қойылды. Апталықтың жұмысы аясында ШЫҰУ оқу орталығының бағыттары мен РФ университеттерінің арасындағы пилоттық жобаларының нәтижелері жөніндегі көпжақты жұмыстар талқыланды. ШЫҰ кеңістігінде жаңа ғылыми байланыстар орнатылды.

ҚазҰУ-дың Баспасөз қызметі