Тəуелсіздіктің 20 жылдық мерекесі қарасаңында Тәрбие жөніндегі департаменттің қолдауымен биология және биотехнология факультеті биоалуантүрлік және биоресурстар кафедрасында «16-желтоқсанға 16-күн қалды» атты тақырыпта ашық эдвайзерлік сағаты өтті.
Аталмыш кафедра оқытушысы б.ғ.к. А.Т.Мамурованың кураторлық топтарының (ЭКО105,106) ұйымдастыруымен өткен акцияда мейрамның рухын "16 желтоқсан" деп жазылған ашық көгілдір түсті әуе шарлары әрлей түсті. Акцияның негізгі кезеңі викториналық сұрақ-жауап болды.
Мерекелік іс шара 30 қараша күні сағат 8.30 да университеттің бас ғимаратында және биология факультетінде басталды. Кіре берістен көтеріңкі көңіл-күймен күтіп алған студенттер әрбір кірген университет қызметкерлеріне, оқытушылар мен студенттерге сауалнама ретінде Қазақстан тарихы және 20 жылдағы жеткен жетістіктеріміз жайлы сұрақтар қойды. Әрбір жауап берген қызметкер, студент арнайы сыйлықтарға ие болды. Бұл мерекелік іс-шараға студенттерден басқа ҚазҰУ ректоры Ғалым Мұтанов бастаған, проректорлар, департамент директорлары, кадр бөлімінің бастығы, тәрбие жұмысы жөніндегі департамент ұжымы, факультет декандары қатысты. әл-Фараби атындағы Қазақ ұлттық университеттің ректоры Ғалым Мұтанұлы мерекелік шараға қатысушыларды тәуелсіздік мейрамымен құттықтап, еліміздің өсіп-өркендеуін одан әрі көркейуіне тілек білдірді.
Өткізілген акция әрбір қатысушылардың және студенттердің бойындағы ұлтжандылық сезімді ояту, тəуелсіз Қазақстанның осы уақытқа дейінгі жеткен жетістіктерін патриоттық сезіммен мақтанышпен еске алуға негізделген.
Тәрбие жұмысы жөніндегі департамент
Басқа жаңалықтар
