25 қараша күні Жастар ұйымдары комитетінің кеңейтілген жиналысы өтті

25 қараша күні Жастар ұйымдары комитетінің кеңейтілген жиналысы өтті. Комитет жетекшісі Сәуле Ишангалиеваның жүргізуімен өткен жиналыста университет сайтының жұмысын жетілдіру мақсатында Студенттік баспасөз орталығының алдына бірнеше міндеттер қойылды. Сондай-ақ, қысқы сессияның өту барысында енгізілген өзгерістер мен толықтырулар туралы ақпаратпен бөлім бастығы Данияр Сүндетбаев хабарлады.

Мәскеу қаласына жасалған іс-сапар бойынша ҚазҰУ делагациясының есебі тыңдалып, алдағы үлкен іс-шара – ҚР Тәуелсіздігінің 20 жылдығына арналған мерекелік концерттің дайындық жұмыстары бойынша тапсырмалар берілді. Сонымен қатар, студенттік өзін-өзі басқару ұйымдары мен қызығушылығы бойынша клубтардың жартыжылдық есебі тыңдалып, жиналыс барысында айтылған ақпараттар мен ұсыныстар студенттік ұйымдар арасындағы ұжымдық рухты нық бекітіп, жаңа бастамаларға жол сілтеді.

ҚазҰУ-дың Баспасөз қызметі