Қазақстан Республикасы Тәуелсіздігінің 20 жылдығына орай

Қазақстан Республикасы Тәуелсіздігінің 20 жылдығына орай

Әл-Фараби атындағы ҚазҰУ факультеттеріне бөлінген

«Қазақ халқының дара тұлғаларының» арналған кештер аясында

«Биология және биотехнология» факультетінде

Жаратылыстану ғылымдарының Қазақ Ұлттық Академиясының академигі, биология ғылымдарының докторы, әл-Фараби атындағы Қазақ Ұлттық университетінің биотехнология кафедрасының профессоры Жұбанова Ажар Ахметқызына арналған «Ұлылардың жалғасы» атты кездесу өтті

Қазақстан Республикасы Тәуелсіздігінің 20 жылдығына орай «Биология және биотехнология» факультетінде «Қазақ халқының дара тұлғаларына» арналған іс-шаралар аясында ұйымдастырылып отырған Жаратылыстану ғылымдарының Қазақ Ұлттық Академиясының академигі, биология ғылымдарының докторы, биотехнология кафедрасының профессоры Жұбанова Ажар Ахметқызының қатысуымен «Жұбановтар әулеті - ұлылардың жалғасы» атты кездесу кеші, 25 қарашада өткізілген.

Тәуелсіздік – ең алдымен қазақ халқының бостандыққа ұмтылған асқақ армандары мен қайсар рухының жемісі. Сондықтан да біз үшін Тәуелсіздік күні – ең қастерлі күн. Қазақ елі бір тудың астына жиылып, біртұтас ел болуды армандаған казақ елінің ұлдары тәуелсіздігі үшін өмірлерін қиды. Алаш ұлдарының арман тілегі аспай қалғанымен, ұлттық сананы оятуда қазақ тарихында рухани түрткі болды.

Қазақтың мәдениеті мен ғылымында айқын қолтаңбаларын қалдырған, бүкіл саналы ғұмырларын өз елінің музыкасын, тілін, ғылымын қалыптастыру және оны көркейту жолындағы қажырлы қайрат, еселі еңбек еткен -

Қазақтың тұңғыш кәсіби музыканты, өнертану саласындағы алғашқы академик Ахмет Қуанұлы Жұбанов. Тіл білімі саласындағы алғашқы қазақ профессоры, түркітанушы, педагог Құдайберген Қуанұлы Жұбанов, Қазақстанның еңбек сіңірген өнер қайраткері, композитор қызы Ғазиза Жұбанова. Химия ғылымдарының докторы, ҚР Ұлттық ғылым академиясының академигі Болат Ахметұлы Жұбанов. Техника ғылымдарының докторы, ҚР Ұлттық ғылым академиясының академигі Қайыр Ахметұлы Жұбанов. Биология ғылымдарының докторы, профессор Ажар Ахметқызы Жұбанова сынды тұлғалар шыққан Ұлағатты әулетіне арналады.

Қазақ тарихында Жұбановтар әулетi қалдырған ұлы iздiң ешқашан өшпейтiнi ақиқат!

Тәрбие жұмысы жөніндегі департамент