«Айқын» Республикалық қоғамдық-саяси газет

Шетелден келген бір топ профессорлар қауымы Білім және ғылым министрі, ака­демик Б.Жұмағұловқа, әл-Фараби атындағы ҚазҰУ-дың ректоры, академик Ғ.Мұтанов­қа алғыс сезімін білдірді.

«Біз, Қазақстанға алғаш рет қа­дам бастық. Алайда Еуропа мен Азия құр­лықтарының ортасында орналасқан қонақжай елмен қауышқанымызға қуа­ныштымыз. Қазіргі кезде әл-Фараби атындағы Қазақ ұлттық университеті­нің қабырғасында журналистика фа­культетінің студенттеріне дәріс оқып жатырмыз. Қазақ елі жастарының бі­лімге құштарлығы, кәсіби білімдерінің жоғарылығы бізді таңғалдырды. Білім алушы студенттермен сұхбатта­сып, өз еліміздің журналистика сала­сының, құқықтық журналистиканың даму бағыттары туралы білім алмастық. Біз өз кезегімізде осындай шынайы кез­десулерге, кең пейілді таныстыққа жол ашқан мүмкіндіктеріңіз үшін алғыс білдіргіміз келеді. Мұндай мүмкіндік бұрынғы Кеңес Одағы елдерінде тек Қазақстанда ғана қолға алынып отыр­ған үлкен шара. Бұл бастама басқа ел­дерде де жалғасын тапса деген тіле­гіміз бар».
Бұл Польшаның Н.Коперник атын­да­ғы университетінің профессоры Ивона Массака, Щвеция Жоғары жур­налистика мектебінің медиажетекшісі, Стокгольм университетінің профес­соры Вероника Менжун, Германия Жур­налистер одағының төрағасы Бе­рид Бруссиг, Өзбекстан елінің журна­листика жоғары курсының жетекшісі, журналистика ғылымдарының док­торы, профессор Құдірет Ерназаров, Киев ұлттық университетінің кафедра меңгерушісі, профессор София Ли­ховаяның ізгі тілегі.
- Білім және ғылым министрінің мемлекеттік бюджеттен арнайы ақша бөліп, ел болашағы үшін қаржы құйып, осындай үлкен мүмкіндіктерге жол аш­қаны көрегендік. Екіншіден, әл-Фараби атындағы ҚазҰУ-дың ректоры, акаде­мик Ғ.Мұтановқа да білім шаңыра­ғын­дағы қонақжайлылық ниеті үшін алғыс айтамыз! Жастардың білім көкжиегін кеңейтуге салынған қаржы болашақта мың есе қайтарыммен оралаты­нына күмән жоқ. Қазақстанның ха­лықаралық байланысты нығайтып, жо­ғары білімді жаңа бағытта дамытып жатқан баста­маларын қолдаймыз, әрі ғылым мен өн­дірісті бірлесе дамытып, ел экономи­ка­сының үдемелі дамуына инновациялық жобалар даярлау ісіндегі жұмыстары­ңыздың сәтті болатынына сеніміміз мол. Жас ұрпақтың сапалы білім алуы­на бар жағдайдың жасалып жатқанына көзіміз жетті, бұл орайда биылғы жылы мемлекеттен жастардың жоғары білім алуы үшін 35425 грант бөлінгенін, 2700 ЖОО ректорларының гранты болғаны­нан хабардар болдық. Бұл үлкен мақ­танышпен айтарлық табыс,-дейді дәріс беруші профес­сорлар.