2011 жылғы 14 желтоқсанда Тәрбие жұмысы жөніндегі департаментінің қатысуымен Жоғарғы оқу орнына дейінгі білім беру факультетінің ЖОО-ға дейінгі дайындық кафедрасының ұйымдастыруымен «Қазақтың қаһарман қыздары» атты ашық тәрбие сабағы болып өтті. Іс-шараға университеттің куратор-эдвайзерлер мектебінің өкілдері А.К. Асаубаева, Д.И.Мухатаева, Тәрбие жұмысының жөніндегі департаментінің өкілі Д.Г. Абдулхакимова, Оралман тобы тыңдаушылары мен кафедра оқытушылары: профессор Т.Қ. Қаратаев, доцент Ж.С. Садықов, аға оқытушы М.Ж. Смағұл, доцент А.Б. Мұсағұлова, доцент Б.М. Айтуарова, аға оқытушы Г.А. Молдағалиева, доцент Ж.Т. Ибраимова, оқытушы С.А. Нүсіпбаева, аға оқытушы М. Тойғанбекова қатысты.
Тәрбие сағатының басты мақсаты: Шетелден келген қазақ азаматтарына өз ата-баба тарихындағы аты аңызға айналған аналар тұлғаларын таныту; Аналар еңбегі мен өмірін ұрпақ санасына сіңіре отырып, өз елінің патриоты болуға баулу; Олардың есімін құрмететй отырып, ерлігі мен азаматтық істерін насихаттау.
Шетелден келген оралман тыңдаушыларға қазақ елінің даңқты аналары туралы ізденіс, баяндама дайындату мақсатында конференция-дәріс түрінде өткізілді.
Ашық сабақ барысында слайд-шоу, плакаттар, буклеттер, кітаптар көрмесі, газет материалдары, фото-суреттер көрсетілді.
Тәрбие жұмысы жөніндегі департамент
Басқа жаңалықтар
