«Тәуелсіздік, тұр тапжылмай тағыңда» атты байқау

Алматы, 28 қазан 2011

2011 жылдың 28 қазан күні Әл-Фараби атындағы қазақ ұлттық университеті филология, әдебиеттану және әлем тілдері факультеті мемлекеттік тіл кафедрасының оқытушылары ұйымдастырған (доцент С.Нұрахметов, доцент Ш.Рамазанова, аға оқытушы : Б.Досанов, аға оқытушы: А.Бисенбаев) Қазақстан Тәуелсіздігінің 20 жылдығына арналған «Тәуелсіздік, тұр тапжылмай тағыңда» атты география факультеті студенттерінің қатысуымен байқау өткізілді.

Байқаудың басты мақсаты: Тәуелсізідіктің мәні мен мазмұнын ашу және студенттерді ұлтжандылыққа, қаһармандылыққа тәрбиелеу. Көркем сөз оқудан Асетқызы Айзада «Егемен ел - Қазақстан» (жеке шығармашылығы), Қалмұрзина Фариза Мұқағали Мақатаевтың «Аққулар ұйықтағанда» поэмасы, Өнер сайысынан - Бұлар Сымбат «Аққу биі», Оразгелдиев Айдар «Бұлқынды жүрек» әні, «Желтоқсан ызғары» қойлымында Қайрат Рысқұлбековтың рөлін сомдаған Сейілов Саламат, «Қайраттың хаты» көрінісінен - Наматилла Бауыржан актерлік шеберлігі үшін мақтау қағазымен марапатталды.