«Тәуелсіздік – елдігімнің тірегі» атты мерекелік кеш

2011 жылдың 10 желтоқсан күні филология, әдебиеттану және әлем тілдер факультеті, мемлекеттік тіл кафедрасының доценті, ф.ғ.к. Б.Рысбайдың ұйымдастыруымен, механика-математика факультеті I, ІІ курс студенттерінің қатысуымен Қазақстан Республикасы Тәуелсіздігінің 20 жылдық мерей тойына арналған «Тәуелсіздік – елдігімнің тірегі» атты мерекелік кеш өтті. Кешке механика-математика факультеті деканының оқу‑әдістемелік және тәрби жұмыстары жөніндегі орынбасары Е.И.Иманғалиев, Б.Абенов және орыс филологиясы, орыс және әлем әдебиеті кафедрасының оқытушысы Л.Алдабергенқызы мен мемлекеттік тіл кафедрасының оқытушылары қатысты.

Кеште «Желтоқсан ызғары», «Тәуелсіздіктің 20 шыңы» атты сахналық қойылымдар көрсетіліп, мерекелік концерттік номерлер орындалды.

Кештің мақсаты: Студенттерді бабалардың арманы, аналардың тілегі болған Тәуелсіздіктің құнын ұмытпауға, қазақ еліне деген сүйіспеншілігін арттыруға, туған жерін, Отанын сүюге шақыру және қалыптасып қалған әкімшілік-әміршілдік тоталитарлық режимге қарсы бас көтерген қазақ жастарының ерлігін құрмет ету.