Әл-Фараби атындағы ҚазҰУ-дің Студенттер сарайында Халықаралық Студенттер күніне және Ел тәуелсіздігінің 20 жылдығына арналған «1-курс ТАЛАНТТАРЫ» көркемөнерпаздар байқауының гала-концерті өтті. Байқаудың ұйымдастырушылары университеттің Тәрбиесі жұмысы жөніндегі департаменті мен Студенттер клубы.
Бұл байқау - жігер оты жалыңдап жанған студент жастардың жас дәуренін текке өткіздірмеу, жаман әдеттерден аулақ ету, олардың заман ағымына ілескен зымыраған күндеріндегі бос уақыттарын әсерлі ән, көк нөсер күй, күмбірлеген домбыра, мың бұралған би әлемімен қауыштыру мақсатында, былтырғы жылдан бастап университетіміздің ректоры Ғалымқайыр Мұтанұлының бастамасымен және қолдауымен өткізілді.
Биыл бірінші курс студенттері арасында дәстүрге айналған «1-курс ТАЛАНТТАРЫ» көркемөнерпаздар байқауының бірінші кезеңіне 1300-ден аса бірінші курс студенттерінің қатысуымен факультеттер деңгейінде өткізіліп, екінші кезеңге 300-ге жуық студент жолдама алды. Осы өнерпаздардың ішінен жүзден жүйрік мыңнан тұлпар танылған жеңімпаз студенттер әр жанрда өз өнерлерін көрермен қауымға паш етті.
Кешті университетіміздің әлеуметтік даму жөніндегі проректоры Жаманбалаева Шолпан Ерболқызының құттықтау сөзімен және жеңімпаздарды марапаттау рәсімімен ашылды. Халықаралық студенттер гимні «Гаудеамус» орындалып, ары қарай жеңімпаз атанған жас таланттардың орындауындағы жеке концерттік бағдарламамен өз жалғасын тапты. Солардың ішінде ерекше көзге түскен студенттер аз болмады. Мәселен, «Эстрадалық ән» номинациясының жеңімпаздары Жанатқызы Самалдың орындауындағы Латиф Хамидидің «Бұлбұл», Молдабекова Айғанайымның орындауындағы халық әні «Құрбым-ай» (Экономика және бизнес жоғары мектебінің студенттері), Алтынбеков Дәулеттің Үкілі Ыбырайдың «Гәкку» (География және табиғатты пайдалану факультетінің студенті), Чумаченко Екатеринаның Н.Тілендиевтің «Сарыжайлау» әндерін (Халықаралық қатынастар факультетінің студенті) орындау шеберліктері ерекше болды. Сонымен қатар 13 факультетпен бірге барлық конкурстарға қатысып жүрген колледж студенттерінің бұл байқауға да ынта-ықыластары ерекше болғанын атап өту орынды. Олар «Халықтық би» номинациясында «Лезгинка» биімен алға шықты.
Биылғы байқаудың тағы бір еркешелігі студенттердің авторлық шығармашылығының көп болуы болды. Бұл әсіресе, «Жас ақын», «Көркем сөз оқу» номинацияларында университет бойынша 100-ден аса студент қатысып белсенділік танытты. Әсіресе, тарих, ареология және этнология факультетінің студенті Ысқақ Оралбектің «Мен қазақпын!» өлеңі жалынды жастарға жігер берді.
Сонымен қатар көрермендердің көңілінен шыққан химия және химиялық технология факультетінің студенті Белгозиев Бекжанның орындауындағы авторлық «Испан әуені» мелодиясы зор қошеметке ие болды.
«1-курс ТАЛАНТТАРЫ» байқауы үлкенге құрмет, кішіге ізет көрсетіп, жоғары курс пен 1-ші курс арасындағы байланысты берік орнататын көпір секілді. Бұл беріктік өз кезегінде көпшілік көңілінен шыққан өнер туындыларына алып келді. Байқау соңыңда барлық жеңімпаздардың Қайрат Жүнісовтың «Егемен елім» әнін бірге орындады.
Қорыта айтқанда6 «Эстрадалық ән», «Дәстүрлі ән», «Халықтық би», «Заманауи би» «Классикалық би», «Музыкалық аспаптарда ойнау шеберлігі», «Көркем сөз оқу шеберлігі», «Жас ақын» т.б номинациялар бойынша байқауға қатысқан жеңімпаздардың қай-қайсысы да «жүзден жүйрік, мыңнан тұлпарлар». Осындай талантты жастардың біліммен бірге өнерді ұштастыра білуі олардың алдағы армандарының асқақ, мақсаттарының биік екенін байқатады.
«1-курс ТАЛАНТТАРЫ» байқауының жүлдегерлері
Әншілер байқауы:
- эстрадалық ән
1. Жанатқызы Самал Л.Хамидидің «Қазақ вальсі» – Экономика және бизнес жоғары мектебі.
2. Алтынбеков Даулет Үкілі Ыбырай «Гәкку»– География және табиғатты пайдалану факультеті
2. Молдабекова Айғанайым «Туған жерім» - Экономика және бизнес жоғары мектебі
3. Рахат Бахытжан – Физика-техникалық факультеті
3. Барат Бексұлтан мен Қарасай Нұрхан (дуэт) - «Қайдасың». Журналистика факультеті
- дәстүрлі ән
1. Перизат Саменова – Шығыстану факультеті
2. Ақылбеков Азат – Философия және саясаттану факультеті
3. Тулегенова Меруерт – Филология, әдебиеттану және әлем тілдері факультеті
Бишілер байқауы
- халықтық би
1. «Лезгинка» биі - колледж
2. Тойлыбаева Аида - «Сақ биі» - журналистика факультеті
2. Айтқожа Ажар – «Адай» қазақ биі – Халықаралық қатынастар факультеті
3. Жорабек Айгерім «Шашу» биі – Экономика және бизнес жоғары мектебі.
3. Куанышбек Улжан - Өзбек биі - Физика-техникалық факультеті
- заманауи/классикалық би
1. Хакимжанова Жибек – Химия және химиялық технология факультеті
2. «Қыздар тобы» - Биология және биотехникалық факультеті
2. «Foar steps» тобы - География және табиғатты пайдалану факультеті
3. Қыздар тобы – Экономика және бизнес жоғары мектебі.
3. Ахмедова Рамина - ҚазҰУ колледжінің студенті
Көркем сөз оқу байқауы
1. Бақтығалиев Данияр «Ей, Махамбет, жолдасым!»- Химия және химиялық технология факультеті
2. Ақанұлы Марғұлан «Автограф» - Филология, әдебиеттану және әлем тілдері факультеті
3. Жиенқұл Ұлдана «Тәуелсіздік тұғыры»- колледж
3. Сағынғалиев Дәурен – заң факультеті
Авторлық өлеңде байқауы
1. Ысқақ Оралбек – «Мен Қазақпын!» Тарих, археология және этнография факультеті
2. Тағыбергенов Еркін – (ҚазҰУ-ға арнау»- Заң факультеті
3. Ержан Нұржан – «Жас қазақ» колледж
3. Сагидуллин Дархан – «Тәуелсіздікке 20-жыл» Халықаралық қатынастар факультеті
Музыкалық аспаптарда ойнау шеберлігі (домбыра)
1.Орашев Адиет - Экономика және бизнес жоғары мектебі
2.Орынбасар Абылайхан – Заң факультеті
2. Оразалы Шыңғыс – Экономика және бизнес жоғары мектебі
3. Қапар Мирас – Химия және химиялық технология факультеті
3. «Мамематиктер» ансамблі – Механика және математика факультеті
Музыкалық аспаптарда ойнау шеберлігі (баян/гитара)
1.Белгозиев Бекжан - Химия және химиялық технология факультеті
2. Марат – колледж
Музыкалық аспаптарда ән айту шеберлігі
1. «Қыздар» тобы «baby»- Шығыстану факультеті
2. Оразгелдиев Айдар «Арыс жағасында», Ш.Қалдаяқов- География және табиғатты пайдалану факультеті
3. Рок группа (Виктор Цойдың әні)– Философия және саясаттану факультеті
3. Ернарұлы Ершат «Корей әні» - Биология және биотехникалық факультеті
Музыкалық аспаптарда ойнау шеберлігі (фортепиано)
- Нұрсеитов Мәди – География және табиғатты пайдалану факультеті
- Насылбеков Санжар – колледж
- Оспанқұлов Айдос - Химия және химиялық технология факультеті
Жүргізушілер байқауы
1.Өміртай Амалбек- Халықаралық қатынастар факультеті
1. Халикова Әсия - Химия және химиялық технология факультеті
2. Құмарбеков Азамат – География және табиғатты пайдалану факультеті
2. Аманқұлова Алуа - География және табиғатты пайдалану факультеті 3.Мұхамеджанов Азамат – Тарих, археология және этнография факультеті
3. Айза Жылқыбай - Шығыстану факультеті
Студенттер клубы
Басқа жаңалықтар
