Алматылықтар «Лебединое озеро» қойылымын тегін тамашалай алады
13 ақпан, 2012 - 16:32,
Бүгін сағат 18.00-де әл-Фараби атындағы Қазақ ұлттық университеті, Ө.Жолдасбеков атындағы Студенттер сарайында өтетін «Лебединое озеро» балет қойылымын қала тұрғындары тегін тамашалай алады.
Балет кеші қала әкімі Ахметжан Есімовтің 2012 жылды Алматы қаласы бойынша «Мәдениет жылы» деп жариялануына байланысты ұйымдастырылуда.
Балет труппасы ҚР Мемлекеттік академиялық би театрының негізін қалаушы, ҚР Халық әртісі Болат Аюхановтың жетекшілігімен өнер көрсетеді.
Естеріңізге сала кетейік, қала әкімі Ахметжан Есімов тұрғындармен есептік кездесуінде: «Алматыда қазіргі таңда 146 тарихи, археологиялық, сәулет және мемориалдық ескерткіштер, 24 кинотеатр, 17 театр, 29 мұражай және 394 кітапхана бар. 2012 жылы мәдени инфрақұрылымдар айтарлықтай жаңартылып, Алатау ауданында концерт залы салынады» деген болатын.
Басқа жаңалықтар
