KazENERGY кубогіне арналған «Жастар Энергетика мен Мұнайгаз секторының тұрақты дамуын қолдайды» атты Республикалық пікірсайыс турнирі өтті

Қазақ-Британ Техникалық Университетінің қабырғасында 25-26 ақпан күндері арасында өткен Республикалық турнирінде Қазақ Ұлттық Университетінің «Алтын сапа» пікірсайыс клубының құрамасы жүлделі екінші орынды жеңіп алды.

Қазақстанның өңірлерінен келген 40-тан астам құрамалар қатысқан,тартысты турнир болды. Қазақстан үшін өте маңызды, экономиканың стратегиялық саласы – Мұнай-газ өнеркәсібі. Оған қатысты болып отырған тенденциялар, әлеуметтік, құқықтық қамту және мұнайлы аудандарды экономикалық даму сынды мәселелер қаралып, соларды шешу бағытында студенттер өздерінің ойларын өрбіткен болатын.

Жүлделі орын үшін болған финалдық ойын өте тартысты және қызу өтті. Финалда ойнатылған тақырып: «Сарқылмайтын балама энергия көздері толығымен дәстүрлі энергия көздерін ығыстырып шығады» деген болатын. Шынымен-ақ Әлемдік жылыну, халық санының тез артуын, ресурстардың шектеулігін, Адамзаттың тұрақты дамуын, энергетикалық қауіпсіздікті қамтитын өте өзекті әрі өткір мәселе. «Алтын сапа» клубының құрамасы бүкіл турнир бойы өзінің жеңіске деген ұмтылысын, білімділігі мен сөз өнерін көрсете білді. Соның арқасында 2-ші орынды алып қайтты.